ಘಲ್ಲು ಘಲ್ಲೆನುತ ಗೆಜ್ಜೆ ಘಲ್ಲು ಸಾಜೆನುತ ಗೆಜ್ಜೆ ಘಲ್ಲು ಸಾಜೆನುತ
ಘಲ್ಲು ಘಲ್ಲೆನುತ ಗೆಜ್ಜೆ ಘಲ್ಲು ಸಾಜೆನುತ ಗೆಜ್ಜೆ ಘಲ್ಲು ಸಾಜೆನುತ
ಬಲ್ಲಿದ ರಂಗನ ವಲ್ಲಿಯ ಮ್ಯಾಲೆ ಚೆಲ್ಲಿದರೋಕುಳಿಯೊ,ನಮ್ || ಪ ||
ಅರೆದರು ಅರಿಶಿಣವ ಅದಕೆ ಬೆರೆಸೆರು ಸುಣ್ಣಾವ
ಅಂದವುಳ್ಳ ರಂಗನ ಮ್ಯಾಲೆ ಗಂಧದೋಕುಳಿಯೊ, ನಮ್ ||1||
ಹಾಲಿನೋಕುಳಿಯೋ ಒಳ್ಳೆ ಲೀಲಾದೋಕುಳಿಯೊ
ಲೋಲನಾದ ರಂಗನ ಮ್ಯಾಲೆ ಹಾಲಿನೋಕುಳಿಯೊ, ನಮ್ ||2||
ತುಪ್ಪದೋಕುಲಿಯೋ ಒಳ್ಳೆ ಒಪ್ಪದೋಕುಳಿಯೋ
ಒಪ್ಪವುಳ್ಳ ರಂಗನ ಮ್ಯಾಲೆ ತುಪ್ಪದೋಕುಳಿಯೊ, ನಮ್ ||3||
ಗಂಧದೋಕುಳಿಯೋ ಒಳ್ಳೆ ಚೆಂದದೋಕುಳಿಯೋ
ಅಂದವಾದ ರಂಗನ ಮೇಲೆ ರಂಗಿನೋಕುಳಿಯೊ, ನಮ್ ||4||
No comments:
Post a Comment